Sbarduno Twf Economaidd

Mae arloesedd yng Nghymru wedi helpu i adnabod potensial platfform VR Mediverse Goggleminds a'i alluogi i ddatblygu.

Creu ffrwd dalent genedlaethol sy’n cysylltu ysgolion, diwydiant, y byd academaidd a gwasanaethau cyhoeddus.

£50,000 o fuddsoddiad gan Grant Catalydd Twf Innovate UK i gyflymu’r gwaith o ddatblygu a defnyddio cynnyrch, gyda chymorth gennym ni.

Canolbwyntio ar sgiliau blaenoriaeth yn y dyfodol gan helpu llwybrau at ddiagnosteg deallusrwydd artiffisial, meddygaeth fanwl, a rolau technegol / prentisiaeth.

"Mae’r Siarter Gofal Iechyd sy’n Seiliedig ar Werth yn adlewyrchu ein hymrwymiad yng Nghymru i weithio mewn partneriaeth er mwyn gwella’r canlyniadau sydd bwysicaf i gleifion. Gyda phartneriaid fel Hwb Gwyddorau Bywyd Cymru, rydyn ni’n sbarduno datblygiadau arloesol - gan gynnwys QuicDNA a’r rhaglen Iechyd y Boblogaeth CVD y Genhedlaeth Nesaf - i ddarparu gwerth parhaus i gleifion ac i’r GIG."

Russell Abberley, Is-lywydd a Rheolwr Cyffredinol, Amgen UK&I

Rhaglen Potensial Economaidd Uchel (HEPP)
Cymorth wedi ei dargedu ar gyfer arloesi sydd â photensial economaidd uchel

Mae’r rhaglen hon yn darparu cymorth wedi ei dargedu ar gyfer arloesiadau gwyddorau bywyd yng Nghymru a allai gael effaith wirioneddol ar ofal ac ar economi Cymru. Mewn un enghraifft, mae cymorth cydlynol gan HEPP wedi datgloi potensial twf Goggleminds, sef darparwr hyfforddiant efelychu yng Nghaerdydd, y mae ei realiti rhithwir, Mediverse, yn galluogi hyfforddiant trochi mewn lleoliadau clinigol rhithwir. Helpodd HEPP i nodi’r hyn oedd ei angen i gynyddu eu gwaith.

Mae Mediverse bellach yn cael ei ddefnyddio mewn amrywiaeth eang o ffyrdd, o hyfforddiant rheoli sepsis ar gyfer timau amlddisgyblaethol, i efelychiadau paratoi cemotherapi, a gwella’r broses o roi meddyginiaeth mewn lleoliadau cymunedol. Rydym wedi bod yn sbardun ar draws pob agwedd ar y rhaglen hon, o’i dyluniad gwreiddiol a’i harweinyddiaeth strategol i’w hesblygiad parhaus, ei chyflawni, a meithrin partneriaethau ar draws yr ecosystem i sicrhau ei dyfodol.

Goggleminds VR ar waith, image

Prosiect Amgryptio Data
Arwain y ffordd o ran arloesi data iechyd preifatrwydd yn gyntaf

Mae cwmni o Gymru, Pontiro, yn darparu meddalwedd anonimeiddio uwch sy’n tynnu gwybodaeth sensitif am gleifion allan o ddelweddau ac adroddiadau meddygol, ond yn cadw manylion clinigol yno. Mae hyn yn galluogi clinigwyr, ymchwilwyr a datblygwyr deallusrwydd artiffisial sy’n arloesi yn system iechyd Cymru i ddefnyddio data’n ddiogel heb beryglu cyfrinachedd cleifion.

Yn ystod 2025, sicrhaodd y cwmni £350,000 mewn buddsoddiad cymeradwy, ochr yn ochr â chymorth Innovate UK, a lofnododd ei gontractau masnachol cyntaf. Mae defnydd Pontiro yn Academi Ddelweddu Genedlaethol Cymru yn cael cymorth drwy ein gwaith rheoli prosiectau parhaus, cydlynu rhanddeiliaid, a chyflwyniadau strategol, gan eu helpu i sicrhau cyllid, ennill contractau’r GIG, a chyflymu ymchwil ac addysg radioleg yng Nghymru.

Tîm Pontiro, image

"Mae Hwb Gwyddorau Bywyd Cymru wedi chwarae rhan bwysig yn nhaith Pontiro, gan helpu i ganfod y broblem gychwynnol i’w datrys yn GIG Cymru a dod â Sefydliad Alacrity a phartneriaid allweddol y GIG at ei gilydd i ffurfio tîm y prosiect a diffinio cwmpas y prosiect. Mae eu cymorth parhaus i reoli’r prosiect wedi bod yn allweddol o ran arwain y cydweithio a galluogi cynnydd drwy gydol y prosiect."

Lewis Bowen, Prif Swyddog Gweithredol Pontiro

Partneriaeth Gyrfa Cymru
Diogelu cronfa dalent gwyddorau bywyd y genedl at y dyfodol

Nod ein partneriaeth â Gyrfa Cymru yw atal prinder sgiliau yn y sector gwyddorau bywyd yn y dyfodol. Drwy ddod ag ysgolion, diwydiant, y byd academaidd a gwasanaethau cyhoeddus at ei gilydd, rydym yn creu llif o dalent - o’r ystafell ddosbarth yn uniongyrchol i yrfaoedd twf uchel. Mae offer digidol a rhwydweithio rhithiol yn helpu i gysylltu ysgolion gwledig â chanolfannau diwydiannol i sicrhau ein bod ni’n meithrin cronfa dalent sy’n deall STEM ledled y wlad.

Rydym eisiau annog pobl ifanc i ystyried gyrfaoedd mewn meysydd blaenoriaeth uchel fel AI-diagnosteg a meddygaeth fanwl, gan feithrin graddedigion y dyfodol neu arwain pobl i rolau sydd angen prentisiaeth a hyfforddiant technegol.

Plant ysgol yn y dosbarth, image

Yng Nghymru, rydym yn cyfuno rhagoriaeth mewn ymchwil, gofal iechyd integredig i 3.2 miliwn o bobl, ac amgylchedd busnes cefnogol.

Drwy gydweithio ar draws y llywodraeth, diwydiant a’r GIG, mae modd cyflymu treialon, arloesedd a thriniaethau er mwyn cyflawni diagnosis cyflymach, twf economaidd, bywydau gwell, a chyfleoedd eithriadol i fusnesau sefydlu a thyfu.